我會做好呢份工
第一次聽到曾特首這句競選口號，是有點 R 頭，一星期後，我不禁認同曾特首真是一位公關高手。
且看大眾及傳媒的反應，單憑暴光率已佔上風，入屋程度，我相信三歲到八十歲都記得。除了出現了三百七十幾個「變種」口號外（我的口號是：我會嫁個好老公～嘿嘿），其解讀空間之廣亦很政治家，即是，講左等於冇講，你自己諗。
解讀：我會做好呢份工，即係話佢只不過係打份工，跟中央 order 辦事，有任何不滿唔好怪佢。
解讀：我會做好呢份工，又可以話市民先係波士，佢依然係公僕，會盡力滿足市民需要。
解讀：我會做好呢份工，曾特首做左幾廿年公務員，沒有人比他更稱職做好呢份工作。
解讀：我會做好呢份工，令人聯想到招聘廣告，喻意重視經濟發展及改善失業率。
解讀：我會做好呢份工，鼓勵市民齊心努力做好自己的工作，以助香港發展。
總之，留返你自己解讀。
我想起剛退役的「精英大師」，馬主施雅志在記者訪問時跟牠說了："You have done your job, and you have done a great job. Its time for your to enjoy your retirement life."
好啦，等我都努力做好呢份工先。
February 11th, 2007 at 7:58 am
哈哈! 今次呢單嘢，又一次讓香港人發揮其無限創意，佢地兩個候選人講D咩都唔多記得囉。